ცესკო და სწავლების ცენტრი, 2019 წლის 25 სექტემბრიდან 14 დეკემბრამდე პერიოდში, საქართველოს მასშტაბით ყველა მუნიციპალიტეტში განახორციელებს სასწავლო პროექტს „საარჩევნო ადმინისტრატორის კურსები - საუბნო საარჩევნო კომისიების პოტენციური წევრებისთვის“.

სასწავლო პროექტში მონაწილეობის მსურველებმა რეგისტრაცია შესაბამის საოლქო საარჩევნო კომისიებში 2019 წლის 29 აგვისტოდან 10 სექტემბრის ჩათვლით პერიოდში გაიარეს.

სწავლების ცენტრის მიერ შემუშავებული „საარჩევნო ადმინისტრატორის სასწავლო კურსები“ ითვალისწინებს პროფილურ სწავლებას და მიზნად ისახავს საარჩევნო ადმინისტრაციის კვალიფიციური საკადრო რესურსის ფორმირების ხელშეწყობას.  სამ დღიანი სასწავლო პროგრამის ფარგლებში მონაწილეები პრაქტიკული სწავლების ფორმატში გაეცნობიან კენჭისყრის დღის პროცედურებსა და საუბნო საარჩევნო კომისიის კომპეტენციას მიკუთვნებულ საკითხებს.

სასწავლო კურსების ჩატარებას სწავლების ცენტრის მიერ გადამზადებული საოლქო საარჩევნო კომისიების წევრები და საარჩევნო ადმინისტრაციის ტრენერები უზრუნველყოფენ.

სასწავლო კურსი 25 სექტემბრიდან 14 დეკემბრამდე პერიოდში 2 ეტაპად განხორციელდება:

I ეტაპი: 2019 წლის 25 სექტემბერი - 25 ოქტომბერი

II ეტაპი: 2019 წლის 25 ნოემბერი - 13 დეკემბერი

ტრენინგების ჩატარების გრაფიკები გასაჯაროვდება სწავლების ცენტრის ვებ-გვერდზე. იხილეთ I ეტაპის გრაფიკი.