2019 წლის 19 მაისს წყალტუბოსა და ტყიბულის მუნიციპალიტეტებში გასამართ საკრებულოების შუალედურ არჩევნებზე პილოტურად გამოიყენება საარჩევნო ტექნოლოგიები, კერძოდ, კენჭისყრის დღეს ამომრჩეველი ხმას მისცემს ელექტრონული ხმის მიცემისა და დათვლის სპეციალური აპარატის საშუალებით.
ელექტორატისთვის კვალიფიციური მომსახურების განხორციელების მიზნით, მათ შორის, ახალი ტექნოლოგიის გამოყენებით კენჭისყრაში ამომრჩევლის მონაწილეობის უზრუნველსაყოფად, 11-15 მაისის პერიოდში, სწავლების ცენტრის მიერ შემუშავებული კონცეფციის შესაბამისად, ჩატარდება ტრენინგები №57 ტყიბულის და №58 წყალტუბოს საოლქო/საუბნო საარჩევნო კომისიების წევრებისთვის.
საარჩევნო კომისიების წევრთა ტრენინგები სწავლების ცენტრისა და ცესკოს ამომრჩეველთა სიების ფორმირებისა და საინფორმაციო ტექნოლოგიების დეპარტამენტის თანამშრომლობით განხორციელდება.
საოლქო საარჩევნო კომისიების წევრთა ტრენინგები ჩატარდება ერთ ეტაპად, ხოლო საუბნო საარჩევნო კომისიების წევრთა ტრენინგები სამ ეტაპად განხორციელდება.
ტრენინგების გრაფიკები იხილეთ ბმულზე:
გრაფიკში ცვლილებების განხორციელების შემთხვევაში, ინფორმაცია აისახება დაუყოვნებლივ.
საარჩევნო ტექნოლოგიების გამოყენებით კენჭისყრის პროცესის წარმართვასთან დაკავშირებით საარჩევნო კომისიების წევრებისა და არჩევნებში ჩართული მხარეების ინფორმირების ხელშეწყობის მიზნით, ცესკომ და სწავლების ცენტრმა შესაბამისი სახელმძღვანელო ინსტრუქცია შეიმუშავა.
