საარჩევნო ადმინისტრაციის ინიციატივით საინფორმაციო აქცია „იპოვე შენი თავი, იპოვე შენი უბანი“ განხორციელდა. საოლქო საარჩევნო კომისიების წევრები, მოხალისეებთან ერთად საზოგადოებრივი თავშეყრის ადგილებში მოსახლეობას შეხვდნენ და 2019 წლის მაისში გასამართი რიგგარეშე/შუალედური არჩევნების შესახებ მიაწოდეს ინფორმაცია.
არჩევნებისა და ამომრჩევლის უფლებების შესახებ მოქალაქეთა ინფორმირების მიზნით საოლქო საარჩევნო კომისიების წარმომადგენლებმა შეხვედრები გამართეს იმ სოფლებსა და მუნიციპალიტეტებში, სადაც 19 მაისს რიგგარეშე/შუალედური არჩევნები უნდა გაიმართოს. აქციის „იპოვე შენი თავი, იპოვე შენი უბანი“ ფარგლებში მათ მოსახლეობას საზოგადოებრივი თავშეყრის ადგილებში თანამედროვე ტექნოლოგიების გამოყენებით, ამომრჩეველთა ერთიან სიაში საკუთარი და ოჯახის წევრების მონაცემების გადამოწმების სერვისი შესთავაზეს და საინფორმაციო ფლაერებიც გაავრცელეს.
„იპოვე შენი თავი, იპოვე შენი უბანი“ საარჩევნო ადმინისტრაციის საინფორმაციო კამპანიის „ვესაუბრებით ამომრჩევლებს“ ფარგლებში განხორციელდა.
იხილეთ დეტალური ინფორმაცია საინფორმაციო კამპანიის შესახებ - „ვესაუბრებით ამომრჩევლებს“.
