საარჩევნო სისტემების განვითარების, რეფორმებისა და სწავლების ცენტრი და საქართველოს ცენტრალური საარჩევნო კომისიის იურიდიული დეპარტამენტი გამართავს ტრენინგებს საქართველოს სხვადასხვა რეგიონის ადგილობრივი თვითმმართველობისა და სამხარეო ადმინისტრაციის იურისტებისა და რეგიონალური მედიის წარმომადგენლებისათვის. აღნიშნული ტრენინგები გაიმართება თბილისში, ქუთაისში, ბათუმში, ზუგდიდში, სიღნაღსა და ახალციხეში 2012 წლის 14 ივლისიდან 4 აგვისტოს ჩათვლით, რომლის განმავლობაში დატრენინგდება 143 ადგ. თვითმმართველობისა და სამხარეო ადმინისტრაციის იურისტი და 113 რეგიონალური მედიის წარმომადგენელი. 

საარჩევნო სისტემების განვითარების, რეფორმებისა და სწავლების ცენტრი გაეროს განვითარების პროგრამასთან (UNDP) თანამშრომლობით BRIDGE-ის (Building resources in democracy, government and elections - დემოკრატიის, მმართველობის და არჩევნების სფეროში რესურსების განვითარება) პროექტის ფარგლებში ტრენინგებს ჩაატარებს ასევე პარტიების წარმომადგენლებისათვის, მედიის წარმომადგენლებისა და დამკვირვებლებისათვის.