ცენტრალურმა საარჩევნო კომისიამ და სწავლების ცენტრმა 2018 წლის განმავლობაში განხორციელებული საქმიანობა შეაჯამა.

კახეთში გამართულ სამუშაო შეხვედრაზე ცესკოს სტრუქტურული ერთეულების ხელმძღვანელებმა და სწავლების ცენტრის დირექტორმა გაწეული სამუშაოს შესახებ ანგარიშები წარადგინეს. შეხვედრის მონაწილეებმა ასევე განიხილეს საარჩევნო ადმინისტრაციის 2019 წლის სამოქმედო გეგმის პროექტი.

სამუშაო შეხვედრაში ცესკოს თავმჯდომარე, მოადგილე, მდივანი, წევრები, პრეს-სპიკერი, თავმჯდომარის მრჩეველი, ცესკოს სტრუქტურული ერთეულების ხელმძღვანელები, სწავლების ცენტრის დირექტორი და მოადგილე, საარჩევნო სისტემების საერთაშორისო ფონდის (IFES) პროექტის ხელმძღვანელი და წარმომადგენლები მონაწილეობდნენ.

19-21 დეკემბერს გამართული შეხვედრა საარჩევნო სისტემების საერთაშორისო ფონდთან (IFES) თანამშრომლობით და ორგანიზაციის ფინანსური მხარდაჭერით განხორციელდა.