საქართველოს  პრეზიდენტის 2018  წლის 28 ოქტომბრის არჩევნების მეორე ტურისთვის სწავლების ცენტრის მიერ შემუშავებული ტრენინგების კონცეფციის შესაბამისად, 23-25 ნოემბრის ჩათვლით პერიოდში განხორციელდა  საუბნო საარჩევნო კომისიების წევრთა II ეტაპის ტრენინგები (ითვალისწინებდა თითო კომისიიდან 9 წევრი სწავლებას).

ტრენინგების ფარგლებში ყურადღება გამახვილდა საუბნო საარჩევნო კომისიების წევრთა კომპეტენციას მიკუთვნებულ საკითხებზე, მათ შორის, საუბნო საარჩევნო კომისიის წევრთა შორის ფუნქციების განაწილება-შესრულების, რეგისტრატორების მიერ მონაცემთა სისწორის შემოწმების, ხმის დათვლის პროცესის ორგანიზება-ჩატარების და საარჩევნო დოკუმენტაციის დალუქვის წესთან დაკავშირებულ პროცედურებზე. ტრენინგები პრაქტიკული სწავლების მეთოდოლოგიით ჩატარდა.

ჩატარებულ სატრენინგო სესიებს 7 ადგილობრივი დამკვირვებელი ორგანიზაციისა და საერთაშორისო დამკვირვებელი ორგანიზაციის დამკვირვებლები დაესწრნენ (სულ - 44 დამკვირვებელი):

• ეუთოს დემოკრატიული ინსტიტუტებისა და ადამიანის უფლებათა ცენტრი (OSCE/ODIHR);
• ახალგაზრდული ცენტრი - ჩვენი თაობა 1921;
• ინსტიტუციური განვითარებისა და მონიტორინგის ცენტრი;
• კავშირი 21-ე საუკუნე;
• ინიციატივა სამოქალაქო საზოგადოებისთვის;
• საქართველოს დემოკრატიული პრინციპებისა და ადამიანის უფლებათა დაცვის კავშირი;
• დემოკრატიულ ინიციატივათა საერთაშორისო ცენტრი;
• საქართველოს პროფესიული განათლებისა და კვალიფიციური კადრების მომზადების მუშაკთა და სტუდენტთა პროფესიული კავშირი.

II ეტაპის ტრენინგები გაიარა 3648 საუბნო საარჩევნო კომისიის (მათ შორის 11 გამონაკლის შემთხვევაში შექმნილი საუბნო საარჩევნო კომისია) 21 634 წევრმა, მათ შორის ქალი - 16 522, კაცი - 5 112. დეტალური სტატისტიკა იხილეთ ბმულზე.