2018-2019 სასწავლო წლის შემოდგომის სემესტრში სწავლების ცენტრმა დაიწყო საარჩევნო სამართლის დარგში სასწავლო პროგრამის განხორციელდება პარტნიორ 7 უმაღლეს საგანმანათლებლო დაწესებულებაში:  

• გორის სახელმწიფო სასწავლო უნივერსიტეტი;
• აღმოსავლეთ ევროპის უნივერსიტეტი;
• თბილისის ივანე ჯავახიშვილის სახელობის სახელმწიფო უნივერსიტეტი;
• სამცხე-ჯავახეთის სახელმწიფო უნივერსიტეტი;
• შპს „თბილისის ღია სასწავლო უნივერსიტეტი;
• ილიას სახელმწიფო უნივერსიტეტი;
• დავით აღმაშენებლის სახელობის უნივერსიტეტი.

სასწავლო პროგრამა მიზნად ისახავს სტუდენტების მიერ აუცილებელი პროფესიული ცოდნის გაღრმავებას საარჩევნო სამართალში, მათი პრაქტიკული უნარ-ჩვევების განვითარებასა და სამოქალაქო ცნობიერების ამაღლების ხელშეწყობას.

აღნიშნული სასწავლო პროგრამა სრულ სემესტრს მოიცავს, რომელიც პარტნიორ უნივერსიტეტებში ეტაპობრივად ხორციელდება.

სასწავლო კურსის განხორციელების უზრუნველსაყოფად სწავლების ცენტრის მიერ მომზადდა შესაბამისი დამხმარე სახელმძღვანელოები, პრაქტიკული სავარჯიშოების კრებული და  ელექტრონული პრეზენტაციები.

სწავლების ცენტის მიერ შემუშავებული აღნიშნული საგანმანათლებლო პროექტი უნივერსიტეტებში 2010 წლიდან ხორციელდება.