2018 წლის 17 ოქტომბრიდან 25 ოქტომბრის ჩათვლით პერიოდში, სწავლების ცენტრმა პარტნიორ 11 უმაღლეს საგანმანათლებლო დაწესებულებაში განახორციელა პროექტი „ინფორმირებული ახალგაზრდა ამომრჩეველი“, რომელმაც მოიცვა:

• თბილისის 6 უნივერსიტეტი - გურამ თავართქილაძის სასწავლო უნივერსიტეტი, გრიგოლ რობაქიძის სახელობის სახელმწიფო უნივერსიტეტი, სულხან-საბა ორბელიანის სასწავლო უნივერსიტეტი, კავკასიის საერთაშორისო უნივერსიტეტი, სოხუმის სახელმწიფო უნივერსიტეტი და საქართველოს დავით აღმაშენებლის სახელობის უნივერსიტეტი;
• რეგიონების 5 უნივერსიტეტი - გორის სახელმწიფო სასწავლო უნივერსიტეტი, ქუთაისის აკაკი წერეთლის სახელმწიფო უნივერსიტეტი, სამცხე-ჯავახეთის სახელმწიფო უნივერსიტეტი, ბათუმის შოთა რუსთაველის სახელმწიფო უნივერსიტეტი და იაკობ გოგებაშვილის სახელობის თელავის სახელმწიფო უნივერსიტეტი.

სწავლების ცენტრის აღნიშნული ინიციატივა მიზნად ისახავს ახალგაზრდებში არჩევნების თემის პოპულარიზებას, მათი სამოქალაქო ცნობიერების ამაღლების ხელშეწყობასა და ინფორმირებას 2018 წლის 28 ოქტომბერს გასამართი საქართველოს პრეზიდენტის არჩევნებისთვის ამომრჩეველთა საარჩევნო უფლებების რეალიზების თაობაზე. უმაღლესი საგანმანათლებლო დაწესებულებების სტუდენტები 2 საათიანი სემინარების ფარგლებში არჩევნების არსისა და საარჩევნო პროცესებში ამომრჩევლის როლის მნიშვნელობის საკითხებს გაეცნენ. შეხვედრის ბოლოს მონაწილეებს სერტიფიკატები გადაეცათ.

საინფორმაციო ხასიათის პროექტში  მონაწილეობა მიიღო 386-მა სტუდენტმა, მათ შორის ქალი - 274, კაცი - 112. დეტალური სტატისტიკა იხილეთ ბმულზე.