საქართველოს პრეზიდენტის 2018 წლის 28 ოქტომბრის არჩევნებისთვის სწავლების ცენტრის მიერ შემუშავებული ტრენინგების კონცეფციის შესაბამისად, 21-23 ოქტომბრის პერიოდში განხორციელდა ტრენინგები გამონაკლის შემთხვევაში შექმნილი საუბნო საარჩევნო კომისიების წევრებისთვის. ტრენინგი ითვალისწინებდა საუბნო საარჩევნო კომისიების სრული შემადგენლობის სწავლებას.

ტრენინგზე განხილულ იქნა შემდეგი ძირითადი სასწავლო მოდულები:

• საარჩევნო უბნის გახსნა და კენჭისყრის დაწყებამდე ჩასატარებელი პროცედურები;
• საუბნო საარჩევნო კომისიის საქმიანობა კენჭისყრის პროცესში ამომრჩევლის საარჩევნო უფლების რეალიზების უზრუნველსაყოფად;
• ამომრჩეველთა პერსონალური მონაცემების დაცვა;
• კენჭისყრის შენობაში ყოფნის უფლების მქონე პირების უფლებრივი მდგომარეობა;
• კომუნიკაცია/კოორდინაცია საოლქო საარჩევნო კომისიასთან;
• საუბნო საარჩევნო კომისიის საქმიანობა საარჩევნო უბნის დახურვის პროცესში;
• საარჩევნო დოკუმენტაციისა და ინვენტარის გადაცემა ძირითადი საუბნო საარჩევნო კომისიისათვის;
• კენჭისყრის დღის განცხადებები/საჩივრები.

საარჩევნო კომისიების წევრთა პროცედურული ცოდნის ამაღლების ხელშეწყობის მიზნით, ტრენინგი ჩატარდა კომბინირებული მეთოდოლოგიის გამოყენებით, მათ შორის, პრაქტიკული უნარ-ჩვევების გაღრმავების უზრუნველსაყოფად მონაწილეებმა განახორციელეს ეპიზოდური ინსცენირებები.

ტრენინგები გაიარა 11 საუბნო საარჩევნო კომისიის 101 წევრმა, მათ შორის ქალი - 66, კაცი - 35. დეტალური სტატისტიკა იხილეთ ბმულზე.