2018 წლის 22 ოქტომბერს სწავლების ცენტრმა ჩაატარა ტრენინგი სპეციალური ჯგუფის წევრებისთვის, რომლებიც, ავღანეთში განლაგებული საქართველოს შეიარაღებული ძალების სამშვიდობო ბატალიონებში მოსამსახურე საქართველოს მოქალაქეების საყოველთაო საარჩევნო უფლების რეალიზების მიზნით, უზრუნველყოფენ საქართველოს პრეზიდენტის 2018 წლის 28 ოქტომბრის არჩევნების მომზადება-გამართვას ბაგრამისა და მაზარი-შარიფის საარჩევნო უბნებზე.

ტრენინგზე განხილულ იქნა შემდეგი ძირითადი სასწავლო მოდულები:

• საუბნო საარჩევნო კომისიის საქმიანობა კენჭისყრის დღემდე პერიოდში (საარჩევნო უბნის მოწყობა, საარჩევნო დოკუმენტაციის წარმოების წესი)
• საუბნო საარჩევნო კომისიის საქმიანობა კენჭისყრის დღეს (საარჩევნო უბნის გახსნა და კენჭისყრამდე ჩასატარებელი პროცედურები, კენჭისყრის პროცესი, საარჩევნო უბნის დახურვა, საარჩევნო დოკუმენტაციის დალუქვა)
• კენჭისყრის პროცესის ფოტო/ვიდეო გადაღების რეგულაციები
• საარჩევნო ბიულეტენების დათვლა და კენჭისყრის შედეგების შემაჯამებელი ოქმის შედგენა

ტრენინგი ჩატარდა კომბინირებული მეთოდოლოგიის გამოყენებით, მათ შორის,  პრაქტიკული უნარ-ჩვევების გაღრმავების უზრუნველსაყოფად ტრენინგის მონაწილეებმა განახორციელეს კენჭისყრის დღის ეპიზოდური ინსცენირება.

სპეციალური ჯგუფის წევრები კენჭისყრის ჩატარებას უზრუნველყოფენ ცესკოს 2018 წლის 16 აგვისტოს N189/2018 განკარგულების შესაბამისად.

ტრენინგს დაესწრო 14 მონაწილე, მათ შორის ქალი - 4 და კაცი - 10.