საქართველოს პრეზიდენტის 2018 წლის 28 ოქტომბრის არჩევნებისთვის, 21-23 ოქტომბრის პერიოდში განხორციელდება ტრენინგები გამონაკლის შემთხვევაში შექმნილი საუბნო საარჩევნო კომისიების წევრებისთვის. ტრენინგი ითვალისწინებს საუბნო საარჩევნო კომისიების სრული შემადგენლობის სწავლებას.

ტრენინგზე განხილულ იქნება შემდეგი ძირითადი სასწავლო მოდულები:

• საარჩევნო უბნის გახსნა და კენჭისყრის დაწყებამდე ჩასატარებელი პროცედურები;
• საუბნო საარჩევნო კომისიის საქმიანობა კენჭისყრის პროცესში ამომრჩევლის საარჩევნო უფლების რეალიზების უზრუნველსაყოფად;
• ამომრჩეველთა პერსონალური მონაცემების დაცვა;
• კენჭისყრის შენობაში ყოფნის უფლების მქონე პირების უფლებრივი მდგომარეობა;
• კომუნიკაცია/კოორდინაცია საოლქო საარჩევნო კომისიასთან;
• საუბნო საარჩევნო კომისიის საქმიანობა საარჩევნო უბნის დახურვის პროცესში;
• საარჩევნო დოკუმენტაციისა და ინვენტარის გადაცემა ძირითადი საუბნო საარჩევნო კომისისიისათვის;
• კენჭისყრის დღის განცხადებები/საჩივრები.

საარჩევნო კომისიების წევრთა პროცედურული ცოდნის ამაღლების ხელშეწყობის მიზნით, ტრენინგი ჩატარდება კომბინირებული მეთოდოლოგიის გამოყენებით, მათ შორის, პრაქტიკული უნარ-ჩვევების გაღრმავების უზრუნველსაყოფად მონაწილეები განახორციელებენ ეპიზოდურ ინსცენირებებს.

გამონაკლის შემთხვევაში შექმნილი საუბნო საარჩევნო კომისიების ტრენინგების გრაფიკები იხილეთ ბმულზე. გრაფიკში ცვლილებების განხორციელების შემთხვევაში, ინფორმაცია აისახება დაუყოვნებლივ.