სწავლების ცენტრმა საქართველოს პრეზიდენტის 2018 წლის 28 ოქტომბრის არჩევნებისთვის საარჩევნო ადმინისტრაციის ტრენერები გადაამზადა. ტრენერთა ტრენინგი 4 – 25 სექტემბრის პერიოდში ხუთ ნაკადად განხორციელდა.

მონაწილეები სასწავლო კურსის ფარგლებში გაეცნენ სხვადასხვა მნიშვნელოვან საკითხს, მათ შორის:

• ტრენინგების ახალი კონცეფცია, რომელიც ითვალისწინებს საარჩევნო კომისიების წევრთა პროფილური პროგრამებით სწავლებას (საუბნო საარჩევნო კომისიების ხელმძღვანელი პირები და კომისიების დანარჩენი წევრები მიიღებენ მათი კომპეტენციის შესაბამის სპეციალიზირებულ ცოდნას);
• ტრენინგების ადმინისტრირება - ტრენინგების სისტემა და ეტაპები, ტრენინგების მეთოდოლოგია, სასწავლო მასალები;
• საოლქო საარჩევნო კომისიის კომპეტენციას მიკუთვნებული საკითხები;
• საუბნო საარჩევნო კომისიის კომპეტენციას მიკუთვნებული საკითხები;
• კენჭისყრის პროცესი (მათ შორის, შეზღუდული შესაძლებლობის მქონე ამომრჩევლებთან საუბრის ეტიკეტისა და ქცევის ნორმების დაცვის შესახებ);
• ამომრჩეველთა პერსონალური მონაცემების დაცვის საკითხები;
• კენჭისყრის შედეგების შემაჯამებელი ოქმის შევსება;
• არჩევნების უსაფრთხოება;
• კენჭისყრის დღის განცხადება/საჩივრები.

ტრენერთა კორპუსის 15 წარმომადგენელმა, 18 – 24 სექტემბრის პერიოდში, უზრუნველყო სწავლების ცენტრის მიერ შემუშავებული საარჩევნო სასწავლო პროგრამის ჩატარება  73 საოლქო საარჩევნო კომისიის წევრებისათვის.

საუბნო საარჩევნო კომისიების წევრთა ტრენინგები 30 სექტემბრიდან 23 ოქტომბრის პერიოდში 4 ეტაპად ჩატარდება, რასაც სწავლების ცენტრის მიერ გადამზადებული 181 ტრენერი უზრუნველყოფს.

დეტალური სტატისტიკა იხილეთ ბმულზე.