საარჩევნო ადმინისტრაციის თანამშრომლებმა ინგლისურ ენაზე საქმიანი კომუნიკაციის და სხვა პროფესიული უნარ-ჩვევების განვითარების მიმართულებით სამთვიანი სასწავლო კურსი გაიარეს. კურსის მონაწილეებს სწავლების დამადასტურებელი სერტიფიკატები ცესკოს თავმჯდომარემ გადასცა. როგორც თამარ ჟვანიამ მონაწილეებთან აღნიშნა, საარჩევნო ადმინისტრაცია მუდმივად ზრუნავს თანამშრომელთა კვალიფიკაციის ამაღლებასა და განვითარებაზე.
სწავლება საქართველოს ცენტრალური საარჩევნო კომისიისა და სააგენტო „მშვიდობის კორპუსთან“ თანამშრომლობით, საქართველოს განათლების, მეცნიერების, კულტურისა და სპორტის სამინისტროს პროექტის ფარგლებში განხორციელდა. სასწავლო პროცესს ამერიკელი ექსპერტი თომას სავოკა უძღვებოდა. კურსში მონაწილეობდნენ ცესკოს აპარატის და სწავლების ცენტრის თანამშრომლები და საოლქო საარჩევნო კომისიების წევრები.
