საარჩევნო ადმინისტრაციის კვალიფიციური საკადრო რესურსის ფორმირების ხელშეწყობის მიზნით, 21 ივნისიდან 29 ივნისის ჩათვლით პერიოდში, სწავლების ცენტრი ახორციელებს ახალ სასწავლო პროგრამას „საარჩევნო ადმინისტრატორის კურსები“ პროფილური პროგრამა - საოლქო საარჩევნო კომისიების პოტენციური იურისტებისთვის.

ღონისძიება ცესკოსა და სწავლების ცენტრის ხელმძღვანელმა პირებმა გახსნეს, რომლებმაც ისაუბრეს აღნიშნული პროექტის მნიშვნელობაზე.

პროექტის ფარგლებში სწავლების ცენტრის მიერ შემუშავებული საინფორმაციო-სასწავლო კურსი ითვალისწინებს ორ დღიანი სასწავლო პროგრამას, რომელიც დაეთმობა კენჭისყრის დღის განცხადებებთან/საჩივრებთან დაკავშირებული ადმინისტრაციული წარმოების წესის შესწავლას. პრაქტიკული სწავლების ფორმატში მონაწილეები გაეცნობიან ისეთ მნიშვნელოვან საკითხებს, როგორიცაა:

• საარჩევნო დავების გამომწვევი მიზეზები: კენჭისყრის დღეს საარჩევნო უბანზე პროცედურული რისკების იდენტიფიცირება;
• ადმინისტრაციული წარმოება;
• საოლქო საარჩევნო კომისიის სხდომის ორგანიზება და მიმდინარეობა;
• საოლქო საარჩევნო კომისიის/კომისიის თავმჯდომარის გადაწყვეტილების მომზადება საარჩევნო დავებზე;
• შესაგებელის ფორმა და რეკვიზიტები.

სასწავლო კურსი ეტაპობრივად ჩაუტარდება 6 ჯგუფს. „საარჩევნო ადმინისტრატორის კურსების“ ჩატარებას უზრუნველყოფენ სწავლების ცენტრის თანამშრომლები.