ცენტრალური საარჩევნო კომისიის და სწავლების ცენტრის ინიციატივით საოლქო საარჩევნო კომისიების ხელმძღვანელი პირებისთვის განხორციელდა სასწავლო კურსი „სამართლებრივი წერა და საარჩევნო დავებთან დაკავშირებული ადმინისტრაციულ წარმოება“.

ტრენინგები კომბინირებული მეთოდით ჩატარდა, რომელიც მოიცავდა ელექტრონულ და პრაქტიკულ სწავლებას (მათ შორის პრაქტიკული სავარჯიშოები და როლური თამაშების ჩატარებას) და ითვალისწინებდა ისეთ საკითხებს, როგორიცაა:

• სამართლებრივი წერა;
• ადმინისტრაციული წარმოების ზოგადი მიმოხილვა;
• განცხადების/საჩივრის განხილვა და გადაწყვეტილების მიღება.
• გადაწყვეტილების მომზადება ადმინისტრაციულ სამართალდარღვევებთან დაკავშირებით;
• ემოციების, რთული საუბრებისა და კონფლიქტური სიტუაციების მართვა.

სასწავლო პროექტი 2018 წლის 4-19 ივნისის პერიოდში განხორციელდა. ტრენინგი 5 ეტაპად 10 ჯგუფს ჩაუტარდა. ჯგუფების შემადგენლობაში იყვნენ, როგორც საოლქო საარჩევნო კომისიების თავმჯდომარეები, თავმჯდომარის მოადგილეები და მდივნები, ისე ცესკოს რეგიონული კოორდინატორები და აჭარის ავტონომიური რესპუბლიკის უმაღლესი საარჩევნო კომისიის წარმომადგენლები. სასწავლო კურსი 224 მონაწილემ გაიარა, მათ შორის 109 ქალი, 115 კაცი.

პროექტი განხორციელდა საარჩევნო სისტემების საერთაშორისო ფონდთან (IFES) თანამშრომლობით.