სწავლების ცენტრი 2018 წლის 28-29 მაისს ტრენერთა მოსამზადებელ კურსს ატარებს. საჭირო გადამზადების შემდგომ საარჩევნო ადმინისტრაციის 14 ტრენერი პოლიტიკური პარტიების წარმომადგენელთათვის განახორციელებს სწავლების ცენტრის მიერ შემუშავებულ სასწავლო პროგრამას.
ღონისძიება ცესკოს თავმჯდომარის მოადგილემ გიორგი შარაბიძემ გახსნა და ინფორმირებული საარჩევნო გარემოს უზრუნველსაყოფად პოლიტიკური პარტიებისთვის სასწავლო პროგრამის განხორციელების მნიშვნელობაზე ისაუბრა. სწავლების ცენტრის დირექტორის მოადგილემ ნინო ბერულავამ მონაწილეებს გააცნო ცესკოსა და სწავლების ცენტრის ინიციატივა, რომლის ფარგლებში სწავლების ცენტრი, ცესკოს ეგიდით გამოცხადებული საგრანტო კონკურსის შედეგად დაფინანსებული საგრანტო პროექტების განხორციელების პროცესში, კონტრიბუციის სახით უზრუნველყოფს პოლიტიკური პარტიების წარმომადგენელთა სწავლებას. კერძოდ, სწავლების ცენტრის მიერ გადამზადებული საარჩევნო ადმინისტრაციის ტრენერები განახორციელებენ სასწავლო კურსს, რომელიც შემდეგ მოდულებს მოიცავს: საარჩევნო ადმინისტრაციის მუშაობის წესი, არჩევნების ორგანიზება (საარჩევნო ციკლი), კენჭისყრის დღე, საჩივრის/განცხადების შედგენის საფუძველი და ტექნიკა.
აღნიშნული ინიციატივა 2018 წლის 8 თებერვალს გამოცხადებული საგრანტო კონკურსის შედეგად დაფინანსებულ 15 არასამთავრობო ორგანიზაციასთან პარტნიორობით ხორციელდება და მიზნად ისახავს პოლიტიკური პარტიების საარჩევნო შესაძლებლობების განვითარების ხელშეწყობას 2018 წელს გასამართი საქართველოს პრეზიდენტის არჩევნებისათვის.
კონკურენტუნარიანი პოლიტიკური გარემოს შექმნის ხელშეწყობის მიზნით, დაფინანსებული არასამთავრობო ორგანიზაციები, თავის მხრივ, საგრანტო პროექტების ფარგლებში პოლიტიკური პარტიების წარმომადგენლებს სთავაზობენ სასწავლო პროგრამებს, რომელიც, მათ შორის, მოიცავს ისეთ მნიშვნელოვან საკითხებს, როგორიცაა:
პოლიტიკური პარტიების წარმომადგენეთა ტრენინგების ჩატარების გრაფიკები ეტაპობრივად განთავსდება სწავლების ცენტრის ვებ-გვერდზე.
