საქართველოს ცენტრალური საარჩევნო კომისია, საარჩევნო სისტემების განვითარების, რეფორმებისა და სწავლების ცენტრი, კონრად ადენაუერის სახელობის ფონდი და ”დოიჩე ველეს” აკადემია 2012 წლის 23-26 ივნისს გამართავს ტრენინგს მედიის წარმომადგენლებისათვის თემაზე ”არჩევნების გაშუქება”.
მონაწილეებს მიეცემათ შესაძლებლობა შეხვდნენ გერმანელ ჟურნალისტებს, მიიღონ გამოცდილება „დოიჩე ველეს“ აკადემიის ექსპერტებისგან არჩევნების ოპტიმალურ გაშუქებასთან დაკავშირებით, პრეს-რელიზების, წერილობითი განცხადებების, საარჩევნო პუბლიკაციების, პრეს-კონფერენციების ანალიზის მომზადებაში, გაეცნონ პოლიტიკური კომუნიკაციის ინსტრუმენტებსა და მეთოდებს საარჩევნო კამპანიის მსვლელობისას.
ტრენინგის ფარგლებში „საარჩევნო სისტემების განვითარების, რეფორმებისა და სწავლების ცენტრის“ წარმომადგენლები მონაწილეებს გააცნობენ არჩევნების საკანონმდებლო ჩარჩოს, აკრედიტაციის პროცედურას და მასმედიის წამომადგენელთა უფლებებსა და მოვალეობებს უშუალოდ არჩევნების დღეს.
მონაწილეთა შერჩევა განხორციელდება კონკურსის წესით.
