2018 წლის 28 აპრილს №54 მაჟორიტარულ საარჩევნო ოლქში გასამართი საქართველოს პარლამენტის შუალედური არჩევნებისთვის შემუშავებული საარჩევნო ადმინისტრაციის ტრენინგების კონცეფციის შესაბამისად, მიმდინარე წლის 16 – 17 აპრილს განხორციელდა საუბნო საარჩევნო კომისიების წევრთა III ეტაპის ტრენინგები, რომელიც დაეთმო საუბნო საარჩევნო კომისიების ხელმძღვანელი პირების - კომისიის თავმჯდომარის, თავმჯდომარის მოადგილისა და კომისიის მდივნის სწავლებას.

ტრენინგების ფარგლებში მონაწილეები გაეცნენ შემდეგ სასწავლო მოდულებს:

• საუბნო საარჩევნო კომისიის ხელმძღვანელი პირების უფლებამოსილებები (მათ შორის, საარჩევნო დოკუმენტაციასთან მუშაობა, შემაჯამებელი ოქმის შედგენის წესი);
• კენჭისყრის დღის განცხადებები/საჩივრები;
• არჩევნების უსაფრთხოება.

საარჩევნო ადმინისტრაციის წევრთა პროცედურული ცოდნის ამაღლების ხელშეწყობის მიზნით, ტრენინგი ჩატარდა კომბინირებული მეთოდოლოგიის გამოყენებით.

ტრენინგი გაიარა 60 საუბნო საარჩევნო კომისიის 180  ხელმძღვანელმა პირებმა, მათ შორის კაცი - 55, ქალი - 125. დეტალური ინფორმაცია იხილეთ ბმულზე.