დაიწყო სწავლების ცენტრის მიერ შემუშავებული სასწავლო პროგრამის განხორციელება საარჩევნო სამართლის დარგში. 2017-2018 სასწავლო წლის გაზაფხულის სემესტრში აღნიშნული პროგრამა განხორციელდება პარტნიორ 9 უმაღლეს საგანმანათლებლო დაწესებულებაში.
სასწავლო კურსის განხორციელების უზრუნველსაყოფად სწავლების ცენტრის მიერ მომზადდა შესაბამისი დამხმარე სახელმძღვანელოები, პრაქტიკული სავარჯიშოების კრებული და ელექტრონული პრეზენტაციები.
სწავლების ცენტის მიერ შემუშავებული საგანმანათლებლო პროექტი უნივერსიტეტებში 2010 წლიდან ხორციელდება და მიზნად ისახავს სტუდენტების მიერ აუცილებელი პროფესიული ცოდნის გაღრმავებას საარჩევნო სამართალში, მათი პრაქტიკული უნარ-ჩვევების განვითარებასა და სამოქალაქო ცნობიერების ამაღლების ხელშეწყობას. აღნიშნული სასწავლო პროგრამა სრულ სემესტრს მოიცავს და პარტნიორ უნივერსიტეტში ეტაპობრივად ხორციელდება.
