თვითმმართველი ქალაქის/თვითმმართველი თემის მერების 2017 წლის 21 ოქტომბრის არჩევნების მეორე ტურისთვის შემუშავებული საუბნო საარჩევნო კომისიების წევრთა ტრენინგების კონცეფციის შესაბამისად, მიმდინარე წლის 5 - 9 ნოემბრის პერიოდში სწავლების ცენტრის თანამშრომლებმა და საარჩევნო ადმინისტრაციის ტრენერებმა განახორციელეს საარჩევნო კანონმდებლობასთან დაკავშირებული სასწავლო პროგრამა N29 ყაზბეგის, N36 ბორჯომის, N35 ხაშურის, N59 ქუთაისის, N65 მარტვილის და N60 ოზურგეთის საარჩევნო ოლქებში მოქმედი საუბნო საარჩევნო კომისიების წევრებისათვის. 

ტრენინგები განხორციელდა ერთ ეტაპად, რომლის ფარგლებში მონაწილეები გაეცნენ შემდეგ ძირითად სასწავლო მოდულებს:

• საუბნო საარჩევნო კომისიის საქმიანობა კენჭისყრის დღემდე პერიოდში (ამომრჩეველთა ერთიანი სია, სპეციალური სია და გადასატანი საარჩევნო ყუთის სიის ფორმირების წესი);
• საუბნო საარჩევნო კომისიის საქმიანობა კენჭისყრის დღეს (საარჩევნო უბნის გახსნა და კენჭისყრამდე ჩასატარებელი პროცედურები, კენჭისყრის პროცესი, შშმ ამომრჩევლების ჩართულობის ხელშეწყობის პოლიტიკა, საარჩევნო უბნის დახურვა, კენჭისყრის შედეგების შეჯამება);
• კენჭისყრის დღის განცხადებები/საჩივრები.

ტრენინგებზე დასწრების სტატისტიკა იხილეთ ბმულზე.