8 ნოემბერს ცენტრალურ საარჩევნო კომისიას და სწავლების ცენტრს კანტის აკადემიის მოსწავლეები ესტუმრნენ. ახალგაზრდებმა ცესკოსა და სწავლების ცენტრის წარმომადგენლებისგან დეტალური ინფორმაცია მიიღეს საარჩევნო ადმინიტრაციის სტრატეგიული გეგმისა და საქმიანობის შესახებ.
ვიზიტის ფარგლებში, ცესკოს სწავლების ცენტრის წარმომადგენლებმა არჩევნების არსის და საარჩევნო პროცესში ამომრჩევლის როლის შესახებ სემინარი სახელწოდებით “ინფორმირებული ახალგაზრდა ამომრჩეველი“ ჩაატარეს; სემინარის ფარგლებში ასევე მოეწყო იმიტირებული კენჭისყრის პროცესი: სტუდენტებმა პრაქტიკაში განახორციელეს ყველა ის ეტაპი, რომელსაც ამომრჩეველი არჩევნების დღეს საარჩევნო უბანზე გადის. შეხვედრის დასასრულს კანტის აკადემიის მოსწავლეებმა ცესკოს ბიბლიოთეკა დაათვალიერეს.
