თვითმმართველი ქალაქის/თვითმმართველი თემის მერების 2017 წლის 12 ნოემბერს გასამართი არჩევნების მეორე ტურისთვის სწავლების ცენტრი ახორციელებს საინფორმაციო კამპანიას - „საარჩევნო ქოლგების აქციას“ რეგიონებში, რომლის მიზანია  ამომრჩეველთა სამოქალაქო აქტიურობის ზრდის წახალისება. აღნიშნული აქცია 7 ნოემბერს ხაშურსა და ბორჯომში გაიმართა, სწავლების ცენტრმა „საარჩევნო ქოლგის“ ქვეშ ბევრი ამომრჩეველი გააერთიანა, რომლებმაც არჩევნების მეორე ტურში აქტიური მონაწილეობის მზადყოფნა დააფიქსირეს და ნების გამოსახატად საარჩევნო ყუთში სიმბოლურად მწვანე ბარათები მოათავსეს წარწერით - მე აქტიური ამომრჩეველი ვარ.

ღონისძიების მონაწილეებს ამომრჩევლებისთვის შემუშავებული ხმის მიცემის პროცედურების ამსახველი ბუკლეტები და ცესკოს ბრენდირებული პროდუქცია დაურიგდათ.

საინფორმაციო კამპანია 8 – 9 ნოემბერს ასევე გაიმართება ქუთაისში, ოზურგეთსა და მარტვილში.