სწავლების ცენტრმა, მუნიციპალიტეტის წარმომადგენლობითი ორგანოს - საკრებულოს და თვითმმართველი ქალაქის/თვითმმართველი თემის მერის 2017 წლის 21 ოქტომბრის არჩევნებისათვის ცესკოს საინფორმაციო/სატელეფონო ცენტრის ოპერატორებისთვის დაგეგმილი ტრენინგების კურსის განხორციელება დაასრულა.

2017 წლის 18 ოქტომბერს სწავლების ცენტრმა ჩაატარა ტრენინგების III ეტაპი, რომლის ფარგლებში მონაწილეები გაეცნენ კენჭისყრის დღის პროცედურებს, მათ შორის:

• საარჩევნო უბნის გახსნა და კენჭისყრის დაწყებამდე ჩასატარებელი პროცედურები;
• კენჭისყრის პროცესი;
• საარჩევნო უბნის დახურვა და საარჩევნო ყუთის გახსნამდე ჩასატარებელი პროცედურები;
• საარჩევნო ყუთების გახსნა და კენჭისყრის შედეგების შეჯამება.

აღნიშნული სასწავლო კურსის მიზანია ცესკოს საინფორმაციო/სატელეფონო ცენტრის ოპერატორების კვალიფიკაციის ამაღლების ხელშეწყობა და მათ მიერ არჩევნებთან დაკავშირებულ საკითხებზე დაინტერესებული პირებისთვის ამომწურავი ინფორმაციის მიწოდება.