მუნიციპალიტეტის წარმომადგენლობითი ორგანოს - საკრებულოსა და თვითმმართველი ქალაქის/თემის მერის  2017 წლის 21 ოქტომბრის არჩევნებისთვის შემუშავებული ტრენინგების კონცეფციის შესაბამისად 30 სექტემბრიდან 11 ოქტომბრის ჩათვლით განხორციელდა საოლქო საარჩევნო კომისიების წევრთა ტრენინგების II ეტაპი, რომელიც დაეთმო საოლქო საარჩევნო კომისიების სრული შემადგენლობის სწავლებას. ტრენინგებზე განხილულ იქნა საუბნო საარჩევნო კომისიის საქმიანობა კენჭისყრის დღეს, მათ შორის:

• საარჩევნო უბნის გახსნა და კენჭისყრამდე ჩასატარებელი პროცედურები;
• კენჭისყრის პროცესი (მათ შორის, შშმ ამომრჩევლების საარჩევნო პროცესში ჩართულობის ხელშეწყობის პოლიტიკა);
• საარჩევნო უბნის დახურვა, კენჭისყრის შედეგების შეჯამება;
• საარჩევნო დოკუმენტაციის გადაცემა საოლქო საარჩევნო კომისიისთვის;
• არჩევნების უსაფრთხოება.

საოლქო საარჩევნო კომისიების წევრებს მიეცათ საინფორმაციო ხასიათის ინსტრუქტაჟი, რომლებიც საარჩევნო ადმინისტრაციის ტრენერებთან ერთად, ტრენინგის ფორმატში, უზრუნველყოფენ საარჩევნო უბნებზე კენჭისყრის დღის ეპიზოდური ინსცენირების ჩატარებას (ეპიზოდური ინსცენირება ითვალისწინებს კენჭისყრის დღის დილის 07:00 საათიდან - 08:00 საათამდე ჩასატარებელი პროცედურებისა და კენჭისყრის შედეგების შემაჯამებელი ოქმის შედგენის პრაქტიკული სავარჯიშოს შესრულებას).

ტრენინგი გაიარა 73 საოლქო საარჩევნო კომისიის 870 წევრმა, მათ შორის კაცი - 313, ქალი - 557. დეტალური სტატისტიკა იხილეთ ბმულზე.