სწავლების ცენტრმა, მუნიციპალიტეტის წარმომადგენლობითი ორგანოს - საკრებულოს და თვითმმართველი ქალაქის/თვითმმართველი თემის მერის 2017 წლის 21 ოქტომბრის არჩევნებისათვის ცესკოს საინფორმაციო/სატელეფონო ცენტრის ოპერატორების კვალიფიკაციის ამაღლების ხელშეწყობის მიზნით ტრენინგების კურსის განხორციელება დაიწყო.

აღნიშნული სასწავლო კურსის მიზანია ცესკოს საინფორმაციო/სატელეფონო ცენტრის ოპერატორების კვალიფიკაციის ამაღლების ხელშეწყობა, მათ მიერ არჩევნებთან დაკავშირებულ საკითხებზე დაინტერესებული პირებისთვის ამომწურავი ინფორმაციის მიწოდების სერვისის უზრუნველსაყოფად.

2017 წლის 7 სექტემბერს ჩატარდა ტრენინგების I ეტაპი, რომლის ფარგლებშიც საინფორმაციო/სატელეფონო ცენტრის ოპერატორები გაეცნენ შემდეგ მნიშვნელოვან საკითხებს:

• საქართველოს საარჩევნო ადმინისტრაციის სტატუსი, სისტემა და შემადგენლობა
• საარჩევნო ადმინისტრაცის მოხელეთა საქმიანობის ძირითადი პრინციპები
• საჯარო ინფორმაციის ხელმისაწვდომობა
• პარტიების მიერ საარჩევნო კომისიის წევრების დანიშვნა და მათთვის უფლებამოსილების შეწყვეტა
• საუბნო საარჩევნო კომისიის პირველი სხდომა
• საოლქო და საუბნო საარჩევნო კომისიებისა და კომისიის ხელმძღვანელი პირების უფლებამოსილებები
• მუნიციპალიტეტის ორგანოთა არჩევნებში მონაწილეობის უფლება
• თვითმმართველი ქალაქის/თვითმმართველი თემის საკრებულოს შემადგენლობა
• პარტიული სიებისა და საკრებულოს წევრობის მაჟორიტარ კანდიდატთა წარდგენა/რეგისტრაცია და წარდგენის შესახებ გადაწყვეტილების გაუქმება
• თვითმმართველი ქალაქის/თვითმმართველი თემის მერობის კანდიდატის წარდგენა/რეგისტრაცია
• საარჩევნო სუბიექტების რიგითი ნომრის განსაზღვრა
• არჩევნების შედეგების დადგენა

ტრენინგი კითხვა-პასუხის რეჟიმში წარიმართა, მონაწილეებმა მიიღეს ამომწურავი ინფორმაცია მათთვის საინტერესო საკითხების შესახებ.

ტრენინგები სამ ეტაპად  ჩატარდება, მომდევნო ეტაპის განხორციელება სექტემბრის თვეში იგეგმება.