მიმდინარე წლის 29 აგვისტოდან - 9 სექტემბრის ჩათვლით ცესკო და სწავლების ცენტრი ატარებს ტრენინგს ადგილობრივი თვითმმართველობის ორგანოთა და სამხარეო ადმინისტრაციების წარმომადგენლებისთვის. ტრენინგი მიზნად ისახავს მონაწილეთა ინფორმირებას საარჩევნო პროცესებში ადგილობრივი თვითმმართველობის ორგანოთა როლის შესახებ და 2017 წლის 21 ოქტომბრის არჩევნებისთვის ადმინისტრაციული რესურსების გამოყენების აკრძალვასთან დაკავშირებული საკითხების შესახებ.

ტრენინგის მონაწილეები გაეცნობიან ისეთ მნიშვნელოვან საკითხებს, როგორიცაა:

• მუნიციპალიტეტის ორგანოთა როლი საარჩევნო პროცესებში;
• არჩევნების სანდოობა და საჯარო მოხელეების როლი (შეზღუდვები, რომელიც ვრცელდება საჯარო სამსახურში დასაქმებულ პირებზე);
• თანამდებობრივი ან სამსახურებრივი მდგომარეობის გამოყენების აკრძალვა;
• ადმინისტრაციული რესურსების გამოყენების აკრძალვა;
• საბიუჯეტო თანხების გამოყენების აკრძალვა.

ტრენინგები საარჩევნო ადმინისტრაციის რეგიონულ რესურსცენტრებში გაიმართება. მონაწილეებს გადაეცემათ ამ პროგრამისთვის მომზადებული სახელმძღვანელოები.

ტრენინგების ჩატარების გრაფიკი