დასრულდა ცესკოსა და სწავლების ცენტრის ერთობლივი სასწავლო-საინფორმაციო პროექტის „საარჩევნო ადმინისტრატორის კურსები“ მეორე ეტაპის განხორციელება. სასწავლო პროექტი 2017 წლის 7 – 17 აგვისტოს პერიოდში საქართველოს ყველა მუნიციპალიტეტში განხორციელდა.

პროექტის ფარგლებში მონაწილეებმა შეისწავლეს ისეთი მნიშვნელოვანი საკითხები,  როგორებიცაა: 

• საარჩევნო ადმინისტრაციის მოხელის საქმიანობის სახელმძღვანელო პრინციპები და ეთიკის კოდექსი;
• საუბნო საარჩევნო კომისიის წევრის საქმიანობის მიმოხილვა კენჭისყრის დღემდე პერიოდში;
• კენჭისყრის დღე;
• კენჭისყრის შედეგების შემაჯამებელი ოქმის შედგენა, შემაჯამებელი ოქმის საჯაროობა.

პროექტი ხელს უწყობს საარჩევნო საკითხებთან დაკავშირებით სამოქალაქო ცნობიერების ამაღლებას და საარჩევნო ადმინისტრაციაში კვალიფიციური საკადრო რესურსის ფორმირებას.

აღნიშნულ ტრენინგზე სულ დარეგისტრირდა - 3600 მსურველი, ხოლო ტრენინგს დაესწრო - 3065 მონაწილე. დეტალური სტატისტიკა იხილეთ ბმულზე.