2012 წლის 6 თებერვალს ცენტრალური საარჩევნო კომისიის იურიდიულ კლინიკში საარჩევნო სამართლის სასწავლო კურსის გავლის დამადასტურებელი სერთიფიკატები გადაეცა სოხუმის სახელმწიფო უნივერსიტეტისა და გურამ თავართქილაძის სასწავლო უნივერსიტეტის 26 სტუდენტს.
სტუდენტებს სერთიფიკატები გადასცეს საქართველოს ცენტრალური საარჩევნო კომისიის თავმჯდომარემ, სწავლების ცენტრის დირექტორმა, აღნიშნული უნივერსიტეტების რექტორებმა და იურიდიული ფაკულტეტის დეკანებმა, რომლებმაც აღნიშნეს, რომ საქართველოს უმაღლეს საგანმანათლებლო დაწესებულებებში მსგავსი ტიპის სასწავლო კურსების განხორციელება მნიშვნელოვნად შეუწყობს ხელს სტუდენტების კვალიფიკაციის ამაღლებას საარჩევნო სამართალის დარგში, რის საფუძველზეც საარჩევნო ადმინისტრაციის სისტემაში შეიქმნება კვალიფიციური იურისტების ბაზა.
იურიდიული კლინიკა კვლავაც განაგრძობს ფუნქციონირებას, სადაც საარჩევნო სამართლის სასწავლო კურსის გავლა სწავლების თანამედროვე მიმართულებებისა და მეთოდების დანერგვით, უზრუნველყოფს საარჩევნო კანონმდებლობასთან მიმართებაში სტუდენტებისთვის თეორიული ცოდნის ათვისებასა და პრაქტიკული უნარჩვევების გამომუშავებას.
