სწავლების ცენტრმა დაასრულა ამომრჩეველთა საინფორმაციო კამპანია, რომელიც მიზნად ისახავდა ამომრჩეველთა საარჩევნო ცნობიერებისა და სამოქალაქო ჩართულობის დონის ამაღლების ხელშეწყობას საქართველოს პარლამენტის 2016 წლის 8 ოქტომბრის არჩევნებისთვის.

საინფორმაციო კამპანის ფარგლებში, ქ. ქუთაისში ახალგაზრდა ამომრჩევლებთან შეხვედრაში მონაწილეობა მიიღეს 2016 წლის 8 ოქტომბრის არჩევნებზე საერთაშორისო სადამკვირვებლო მისიის OSCE/ODHIR -ის წარმომადგენლებმა ჯერონ დე ვრიეს და მარია მაგდალენა ბუდკუს, რომლებმაც დადებითად შეაფასეს ამომრჩეველთა საარჩევნო ცნობიერების ამაღლების და სამოქალაქო ჩართულობის დონის ამაღლების ხელშეწყობის პროექტი.

პროექტი, რომელიც მთელი ქვეყნის მასშტაბით განხორციელდა, მოიცვა საქართველოს ყველა რეგიონი, სწავლების ცენტრის მიერ საგრანტო კონკურსით დაფინანსებული 41 არასამთავრობო ორგანიზაციის პროექტის ფარგლებში შეხვედრები გაიმართა ახალგაზრდა ამომრჩევლებთან, ქალებთან, ეთნიკური უმცირესობების წარმომადგენლებსა და შეზღუდული შესაძლებლობების მქონე პირებთან. მონაწილეები გაეცნენ არჩევნების პერიოდში ცესკოსა და სწავლების ცენტრის მიერ ამომრჩევლებისთვის შეთავაზებულ სერვისებს (მათ შორის, სიებში მონაცემების გადამოწმების სერვისი, ეთნიკური უმცირესობების ენებსა და ჯესტურ ენაზე მომზადებული სასწავლო-საინფორმაციო მასალა, ადაპტირებული საარჩევნო უბნები), ასევე, ხმის მიცემის პროცედურების შესახებ პრაქტიკული ცოდნის მიღების მიზნით მონაწლეობა მიიღეს იმიტირებულ არჩევნებში.