25-26 ნოემბერს, სასტუმროში "ამბასადორი კაჭრეთი" ცესკოს სწავლების ცენტრმა საარჩევნო ადმინისტრაციის რეგიონულ ტრენერებთან  შემაჯამებელი შეხვედრა გამართა. შეხვედრა ცესკოს თავმჯდომარემ თამარ ჟვანიამ და სწავლების ცენტრის დირექტორმა ნათია ზაალიშვილმა გახსნეს, რომლებმაც საქართველოს პარლამენტის 2016 წლის 8 ოქტომბრის არჩევნების პერიოდში განხორციელებული სასწავლო პროექტების მნიშვნელობაზე ისაუბრეს.

ღონისძიებას პარტნიორი ორგანიზაციის, საარჩევნო სისტემების საერთაშორისი ფონდის (IFES) წარმომადგენლი და საარჩევნო ადმინისტრაციის 12 რეგიონული ტრენერი ესწრებოდა.

საარჩევნო სისტემების საერთაშორისი ფონდის  (IFES) წარმომადგენლმა დადებითად შეაფასა  არჩევნების პერიოდში განხორციელებული სასწავლო პროექტები, ისაუბრა IFES-ის ექსპერტის რეკომენდაციებითა და საერთაშორისო პრაქტიკის გაზიარებით შემუშავებული ახალი სასწავლო მოდულის „არჩევნების უსაფრთხოების“ მნიშვნელობაზე.

შემაჯამებელი შეხვედრა სამუშაო ფორმატში წარიმართა, იგი დაეთმო საარჩევნო ადმინისტრაციის მოხელეების კვალიფიკაციის ამაღლების ხელშეწყობის მიზნით, ცესკოს სწავლების ცენტრის მიერ საქართველოს პარლამენტის 2016 წლის არჩევნების პერიოდში განხორციელებული სასწავლო პროგრამების შეფასებას, პრაქტიკული გამოცდილების გაზიარებასა და სამომავლო გეგმების დასახვას. შეხვედრაზე განხილულ იქნა: ტრენერთა კორპუსის მომზადებასთან დაკავშირებული საკითხები, ასევე საოლქო და საუბნო საარჩევნო კომისიების  ტრენინგების სისტემა, სასწავლო მოდულები და მასალები, კომუნიკაციის ეფექტიანობა და მონიტორინგი.