საარჩევნო ადმინისტრაციის წარმომადგენლები მოლდოვის რესპუბლიკაში 2016 წლის 30 ოქტომბრის საპრეზიდენტო არჩევნებს დააკვირდნენ. ცენტრალური საარჩევნო კომისიის წევრები მარინა წულუკიძე და ლილი აბუთიძე, ასევე ცესკოს სწავლების ცენტრის სერტიფიცირებისა და პროექტების მართვის განყოფილების უფროსი ზურაბ ლუაშვილი კენჭისყრის პროცედურებს საარჩევნო უბნებზე აკვირდებოდნენ.
ისინი სხვადასხვა ქვეყნის საარჩევნო ადმინისტრაციებისა და სადამკვირვებლო ორგანიზაციების წარმომადგენლებთან ერთად არჩევნების დღეს, უბნების გახსნის, უბნების დახურვისა და ხმების დათვლის პროცესს დაესწრნენ. გარდა ამისა, შეხვდნენ მოლდოვის ცენტრალური საარჩევნო კომისიის ხელმძღვანელ პირებს და არჩევნების წინასწარ შედეგებს გაეცნენ.
