მექსიკის ფედერალური საარჩევნო სასამართლოს მოწვევით ცენტრალური საარჩევნო კომისიის წარმომადგენლებმა და ცენტრის დირექტორმა მონაწილეობა მიიღეს სამუშაო შეხვედრებში, რომლებიც გაიმართა მიმდინარე წლის 24 - 29 ოქტომბერს, ქ. მეხიკოში. ქართული დელეგაციის წევრები შეხვდნენ ფედერალური საარჩევნო სასამართლოსა და ფედერალური საარჩევნო ინსტიტუტის წარმომადგენლებსა და ექსპერტებს.
შეხვედრების მონაწილეებმა პრეზენტაციებისა და დისკუსიების ფორმატში განიხილეს ამომრჩეველთა განათლების, საარჩევნო ადმინისტრაციის ტრენინგების, პოლიტიკური პარტიების დაფინანსების, ამომრჩეველთა რეგისტრაციისა და საარჩევნო დავების საკითხები. აღნიშნულ თემებთან დაკავშირებით მოხდა დეტალური ინფორმაციის გაცვლა და გამოცდილების გაზიარება.
