2011 წლის 12-13 ოქტომბერს ცენტრალური საარჩევნო კომისიის თავმჯდომარე და სსიპ საარჩევნო სისტემების განვითარების რეფორმებისა და სწავლების ცენტრის დირექტორი დიდ ბრიტანეთში, ქ. ლონდონში გამართულ ყოველწლიურ, რიგით მეოთხე საერთაშორისო სიმპოზიუმს დაესწრნენ.
სიმპოზიუმზე, სხვადასხვა ქვეყნების საარჩევნო ადმინისტრაციების წარმომადგენლებთან ერთად საქართველოს საარჩევნო ადმინისტრაციის წარმომადგენლობა საარჩევნო პროცესებსა და პროცედურებთან დაკავშირებულ საკითხებს გაეცნო. მონაწილეებმა ასევე მიმოიხილეს იმ ქვეყნების გამოცდილება, რომლებმაც საუკეთესო პრაქტიკა აჩვენეს საარჩევნო ტექნოლოგიების დანერგვაში.
