2011 წლის 24 – 28 ოქტომბერს საქართველოს ცენტრალურ საარჩევნო კომისიას და   სსიპ „საარჩევნო სისტემების განვითარების, რეფორმებისა და  სწავლების ცენტრს“ უკრაინის ცენტრალური საარჩევნო კომისიის დელეგაცია ესტუმრა. ვიზიტის მთავარ მიზანს ცენტრის შესახებ ინფორმაცია და  საქართველოს საარჩევნო ადმინისტრაციებში ტრენინგების მიმართულებით ურთიერთგამოცდილების გაზიარება  წარმოადგენდა.  

ცენტრის ხელმძღვანელობამ წარმოადგინა პრეზენტაცია ცენტრის შექმნის, მისი ფუნქციების, გაწეული საქმიანობისა და ინოვაციური პროექტების შესახებ. ასევე  ყურადღება  გაამახვილა მოდერნიზებულ ”საარჩევნო ადმინისტრაციის მოხელეების ტრენინგების კონცეფციაზე”, რომელიც აყალიბებს საოლქო და საუბნო საარჩევნო კომისიის წევრთა სწავლების ახლებურ მიდგომას, მეთოდებს, მათი საქმიანობის ეფექტიანობის გაზრდის ხელშეწყობის მიზნით.  

უკრაინის ცესკოს დელეგაციის წარმომადგენლები დაინტერესდნენ ცენტრის მიერ შემუშავებული ინოვაციური პროექტებით.  ამ მიზნით 28 დეკემბერს ცენტრსა დ აუკრაინის ცესკოს დელეგაციის წარმომადგენლებს შორის გაიმართა შეხვედრა/დისკუსია, სადაც განიხილებოდა  საარჩევნო ადმინისტრაციის მოხელეების ელექტრონული სწავლების მეთოდოლოგია და სამოქალაქო განათლების კუთხით განხორციელებული პროქტები (,,საქართველოს უმაღლეს საგანმანათლებლო დაწესებულებებში საარჩევნო სამართლის დარგში სასწავლო პროგრამის განხორციელება”, ”იურიდიული კლინიკა”).

ვიზიტის ფარგლებში განხილულ იქნა ასევე სამომავლო თანამშრომლობის პერსპექტივები.