საქართველოს პრეზიდენტის ინიციატივით, პრეზიდენტის სარეზერვო ფონდის მხარდაჭერით არასამათავრობო ორგანიზაციამ „დემოკრატიის ლაბორატორია“ განახორციელა პროექტი „შენი ხმა, ჩვენი მომავალი“, რომლის მიზანს საარჩევნო ხმის მნიშვნელობის შესახებ მოქალაქეთა ცნობიერების ამაღლება და პარლამენტის 2016 წლის 8 ოქტომბრის არჩევნებისთვის ამომრჩეველთა გააქტიურების ხელშეწყობა წარმოადგენს.

არასამთავრობო ორგანიზაციის მიწვევით აღნიშნულ პროექტში მონაწილეობა მიიღო სწავლების ცენტრმა. 2016 წლის 1 ოქტომბერს ქ. ბათუმში, სწავლების ცენტრის წარმომადგენელმა მაია ზარიძემ პროექტში მონაწილე ახალგაზრდებს გააცნო საქართველოში მოქმედი საარჩევნო სისტემები, მიაწოდა ინფორმაცია კენჭისყრის დღის პროცედურებთან დაკავშირებით და მათთან ერთად ჩაატარა სიმულაციური სავარჯიშოები.

ტრენინგ-სემინარი გაიარა კონკურსის ფინალისტმა 66 მოსწავლემ და 22 პედაგოგმა.