საქართველოს პარლამენტის 2016 წლის 8 ოქტომბრის არჩევნებისთვის შემუშავებული ტრენინგების კონცეფციის შესაბამისად, 17 სექტემბრიდან 27 სექტემბრის ჩათვლით განხორციელდა საოლქო საარჩევნო კომისიების წევრთა ტრენინგების II ეტაპი, რომელიც დაეთმო საოლქო საარჩევნო კომისიების სრული შემადგენლობის სწავლებას და განხილულ იქნა საუბნო საარჩევნო კომისიების საქმიანობა კენჭისყრის დღეს, მათ შორის:

• საარჩევნო უბნის გახსნა და კენჭისყრამდე ჩასატარებელი პროცედურები;
• კენჭისყრის პროცესი;
• საარჩევნო უბნის დახურვა, კენჭისყრის შედეგების შეჯამება.

ტრენინგის ფორმატში კომისიების წევრებს ჩაუტარდათ ინსტრუქტაჟი საარჩევნო უბნებზე კენჭისყრის დღის ეპიზოდური ინსცენირების წარმართვასთან დაკავშირებით (ეპიზოდური ინსცენირება ითვალისწინებს კენჭისყრის დღის დილის 07:00 საათიდან - 08:00 საათამდე ჩასატარებელი პროცედურებისა და კენჭისყრის შედეგების შემაჯამებელი ოქმის შედგენის პრაქტიკული სავარჯიშოს შესრულებას).

სტატისტიკა იხილეთ ბმულზე.