სწავლების ცენტრის დირექტორმა ნათია ზაალიშვილმა და ცესკოს წევრმა ზურაბ ხრიკაძემ ევროპის საარჩევნო მოხელეთა ასოციაციის (ACEEEO) მიერ ორგანიზებულ 25-ე ყოველწლიურ კონფერენციაში მიიღო მონაწილეობა.

კონფერენცია 21-23 სექტემბერს ალბანეთში, ქალაქ ტირანაში გაიმართა. მონაწილეებმა განიხილეს საარჩევნო სისტემებისა და საარჩევნო ტექნოლოგიების  განვითარების ტენდენციები ბოლო 25 წლის განმავლობაში. კონფერენციის მიმდინარეობისას ასევე გაიმართა ევროპის საარჩევნო მოხელეთა ასოციაციის აღმასრულებელი საბჭოს  და გენერალური ასამბლეის შეხვედრა, რომლის ფორმატში დამტკიცდა 2015 წლის ყოველწლიური ანგარიში.

ევროპის საარჩევნო მოხელეთა ასოციაციამ ალბანეთში გამართული კონფერენციის ფარგლებში დაარსებიდან 25 წლის იუბილე აღნიშნა.