საქართველოს პარლამენტის 2016 წლის 8 ოქტომბრის არჩევნებისთვის შემუშავებული ტრენინგების კონცეფციის შესაბამისად, მიმდინარე წლის 10 სექტემბრიდან - 20 სექტემბრის ჩათვლით განხორციელდა საუბნო საარჩევნო კომისიების წევრთა ტრენინგების II  ეტაპი.

ტრენინგების ფარგლებში მონაწილეები გაეცნენ შემდეგ ძირითად სასწავლო მოდულებს:

• საუბნო საარჩევნო კომისიის საქმიანობა კენჭისყრის დღემდე პერიოდში (ამომრჩეველთა ერთიანი სია, სპეციალური სია და გადასატანი საარჩევნო ყუთის სიის ფორმირების წესი);
• საუბნო საარჩევნო კომისიის საქმიანობა კენჭისყრის დღეს (საარჩევნო უბნის გახსნა და კენჭისყრამდე ჩასატარებელი პროცედურები,  კენჭისყრის პროცესი, საარჩევნო უბნის დახურვა, კენჭისყრის შედეგების შეჯამება);
• სასწავლო მოდული საუბნო საარჩევნო კომისიის წევრებისათვის შეზღუდული შესაძლებლობის მქონე ამომრჩევლებთან საუბრის ეტიკეტისა და ქცევის ნორმების დაცვის შესახებ;
• კენჭისყრის დღის განცხადებები/საჩივრები;
• კონფლიქტების მართვა.

საქართველოს პარლამენტის 2016 წლის 8 ოქტომბრის არჩევნებისთვის საუბნო საარჩევნო კომისიების წევრთა ტრენინგების II ეტაპის განხორციელების პერიოდი (10 - 20 სექტემბერი).

ტრენინგების განხორციელების პერიოდისთვის საუბნო საარჩევნო კომისიებში არჩეულ/დანიშნულ წევრთა საერთო რაოდენობა - 47226

დამსწრეთა რაოდენობა - 36995

დასწრების კოეფიციენტი - 78%