სწავლების ცენტრი აგრძელებს ამომრჩეველთა საინფორმაციო კამპანიას, რაც მიზნად ისახავს ამომრჩეველთა საარჩევნო ცნობიერებისა და სამოქალაქო ჩართულობის დონის ამაღლების ხელშეწყობას საქართველოს პარლამენტის 2016 წლის 8 ოქტომბრის არჩევნებისთვის.

2016 წლის 11 სექტემბრიდან 18 სექტემბრის ჩათვლით, 14 არასამთავრობო ორგანიზაციასთან პარტნიორობით, საინფორმაციო ხასიათის  შეხვედრები ჩატარდა 3 რეგიონში - კახეთი, ქვემო ქართლი და მცხეთა - მთიანეთი და მოიცვა ახალგაზრდა ამომრჩევლები, ქალები, ეთნიკური უმცირესობების წარმომადგენლები და შეზღუდული შესაძლებლობების მქონე პირები.

პროექტის ფარგლებში  მონაწილეები გაეცნენ არჩევნების პერიოდში ცესკოსა და სწავლების ცენტრის მიერ ამომრჩევლებისთვის შეთავაზებულ სერვისებს (მათ შორის, სიებში მონაცემების გადამოწმების სერვისი, ეთნიკური უმცირესობების ენებსა და ჯესტურ ენაზე მომზადებული სასწავლო-საინფორმაციო მასალა, ადაპტირებული საარჩევნო უბნები), ასევე, ხმის მიცემის პროცედურების შესახებ პრაქტიკული ცოდნის მიღების მიზნით, მონაწლეობა მიიღეს იმიტირებულ არჩევნებში. 

სწავლების ცენტრის ამომრჩეველთა საინფორმაციო კამპანიის პროექტი  7 ოქტომბრამდე გაგრძელდება.