სწავლების ცენტრის მიერ 2016 წლის 15 მარტს და 4 აპრილს გამოცხადებული საგრანტო კონკურსების ფარგლებში დაფინანსებულმა ცხრა არასამთავრობო ორგანიზაციამ ქვეყნის მასშტაბით, 73 საარჩევნო ოლქში, განახორციელა სასწავლო პროგრამები პოლიტიკური პარტიებისთვის, რომლის  მიზანი იყო მათი საარჩევნო შესაძლებლობების განვითარების ხელშეწყობა 2016 წლის 8 ოქტომბერს გასამართი საქართველოს პარლამენტის არჩევნებისთვის.

არასამთავრობო ორგანიზაციების მიერ შეთავაზებული სასწავლო პროგრამების ფარგლებში მონაწილეები გაეცნენ შემდეგ საკითხებს:

• არჩევნებში ჩართული მხარეები, მათი უფლებამოსილება და საარჩევნო ეთიკა;
• გუნდური მუშაობა, დროის მენეჯმენტი და ანგარიშვალდებულება;
• კონფლიქტების მართვა, საარჩევნო დავები, სტანდარტები და საუკეთესო პრაქტიკა;
• წინასაარჩევნო კამპანია და ადმინისტრაციული რესურსები.

საგრანტო პროექტების განხორციელების პროცესში კონტრიბუციის სახით ცესკოს სწავლების ცენტრმა უზრუნველყო პარტიების წარმომადგენლების სწავლება შემდეგ მოდულებზე:

• საარჩევნო ციკლი და საკანონმდებლო სიახლეები;
• საოლქო და საუბნო საარჩევნო კომისიების საქმიანობა;
• კენჭისყრის დღის პროცედურები.  

აღნიშნული საინფორმაციო-საგანმანათლებლო პროგრამა გაიარა პროექტში მონაწილე 23 პოლიტიკური პარტიის (მათ შორის, 11 კვალიფიციური და 12 არაკვალიფიციური პარტიის) 1431 წარმომადგენელმა.

პროექტში მონაწილეთა დასწრების შესახებ დეტალური სტატისტიკა იხილეთ დანართში.