7 სექტემბერს ცენტრალურ საარჩევნო კომისიაში (ცესკო) ეთნიკური უმცირესობების წარმომადგენელი ამომრჩევლებისთვის განხორციელებულ საქმიანობებსა და შეთავაზებულ სერვისებზე იმსჯელეს.  მორიგი შეხვედრა საარჩევნო ადმინისტრაციაში, ცესკოში არსებული ეთნიკური უმცირესობების საკითხებზე მომუშავე მუდმივმოქმედი სამუშაო ჯგუფის წევრებთან გაიმართა. მონაწილეებმა საქართველოს პარლამენტის 2016 წლის 8 ოქტომბრის არჩევნებისთვის ცესკოს და სწავლების ცენტრის მიერ განხორციელებულ საქმიანობებზე მიიღეს ინფორმაცია, რაც საარჩევნო პროცესებში ეთნიკური უმცირესობების წარმომადგენლების ჩართულობის გაზრდას ემსახურება.

შეხვედრას ადგილობრივი არასამთავრობო ორგანიზაციებისა და  სახალხო დამცველის ოფისის წარმომადგენლებიც ესწრებოდნენ; მათ დადებითად შეაფასეს ცესკოს და სწავლების ცენტრის მიერ განხორციელებული აქტივობები.  

ასევე აღსანიშნავია, რომ განხორციელდა არაერთი საგანმანათლებლო პროექტი ეთნიკური უმცირესობებით დასახლებულ მუნიციპალიტეტებში, საინფორმაციო ვიდეო რგოლები ითარგმნა როგორც სომხურ ისე აზერბაიჯანულ ენებზე. ეთნიკური უმცირესობის წარმომადგენლებს შეუძლიათ ცესკოს ვებ-გვერდის საშუალებით, მათთვის გასაგებ ენაზე (სომხური, აზერბაიჯანული) გადაამოწმონ საკუთარი მონაცემები ამორმჩეველთა ერთიან სიაში და იპოვონ საარჩევნო უბანი, ცესკოს სატელეფონო/საინფორმაციო ცენტრის მეშვეობით სომხურ და აზერბაიჯანულ ენებზე მიიღონ არჩევნებთან დაკავშირებული ნებისმიერი სახის ინფორმაცია.