2016 წლის 12-15 აგვისტოს, ცენტრალური საარჩევნო კომისიის ორგანიზებით, ცესკოს და სწავლების ცენტრის წარმომადგენლებმა სხვადასხვა ტელეკომპანიების ჟურნალისტებისთვის ტრენინგი გამართეს.

ტრენინგი ტელეკომპანიების „საზოგადოებრივი მაუწყებლის“, „რუსთავი 2“-ის, „იმედის“, “მაესტროს”, „იბერიას“, „ტაბულას“, „ობიექტივის“, „პალიტრანიუსის“, „ჯიდიესის“ და „ტვ პირველის“  50-მდე ჟურნალისტისმა გაიარა.

კურსი  ისეთ მნიშვნელოვან საკითხებს მოიცავდა, როგორიც არის:  მედიის როლი საარჩევნო პროცესში, კენჭისყრის დღის პროცედურები, საარჩევნო კანონმდებლობის სიახლეები, ადმინისტრაციული რესურსის გამოყენება და ა.შ.

მედია საარჩევნო პროცესის განუყოფელი ნაწილია. მათი ჩართულობა საარჩევნო პროცესებში, მათი მხრიდან საზოგადოებისთვის ამომწურავი ინფორმაციის მიწოდება ამ პროცესის მიმდინარეობის შესახებ აუცილებელია. საარჩევნო ადმინისტრაცია მუდმივად უწყობს ხელს ეფექტურ კომუნიკაციას ჩართულ მხარეებთან და მათ შორის მედიასთან და მომავალშიც უზრუნველყოფს მსგავსი ტიპის სამუშაო შეხვედრებს მედია წარმომადგენლებისთვის.