დასრულდა საქართველოს საარჩევნო ადმინისტრაციის ტრენერების შესარჩევი კონკურსი. საქართველოს პარლამენტის 2016 წლის 8 ოქტომბრის არჩევნებისთვის საარჩევნო ადმინისტრაციის მოხელეების გადამზადების მიზნით, საარჩევნო ადმინისტრაციის ტრენერები, საოლქო საარჩევნო კომისიების წევრებთან თანამშრომლობით,  უზრუნველყოფენ საარჩევნო კანონმდებლობასთან დაკავშირებული სასწავლო კურსის ჩატარებას.

სასწავლო კურსის განხორციელებამდე ტრენერები და საოლქო საარჩევნო კომისიების წევრები 2016 წლის 13-26 აგვისტოს პერიოდში გაივლიან სპეციალურ მოსამზადებელ კურსს, რომლის ჩატარებას უზრუნველყოფენ ცესკოს სწავლების ცენტრის თანამშრომლები.

აღნიშნულ პროექტს ცესკო და სწავლების ცენტრი ახორციელებს საარჩევნო სისტემების საერთაშორისო ფონდის (IFES) მხარდაჭერით.