ცენტრალურ საარჩევნო კომისიაში ორდღიანი სემინარი „მედიასთან და ჩართულ მხარეებთან კომუნიკაცია“ გაიმართა.

საზოგადოებასთან ურთიერთობის მიმართულებით საერთაშორისო გამოცდილება და საუკეთესო პრაქტიკა სემინარის მონაწილეებს ევროსაბჭოს მოწვეულმა ექსპერტმა რასტო კუჟელმა გააცნო.

საერთაშორისო ექსპერტმა სემინარის მონაწილეებთან ერთად მედიასთან კომუნიკაციის საშუალებების, არჩევნების ჭრილში სოციალური მედიის მნიშვნელობის, ადგილობრივ და საერთაშორისო დამკვირვებლებთან ურთიერთობის საკითხები განიხილა.

სემინარში მონაწილეობა ცესკოს, აჭარის უმაღლესი საარჩევნო კომისიის (უსკო) და ცესკოს სწავლების ცენტრის თანამშრომლებმა მიიღეს.

ღონისძიება ევროპის საბჭოს „არჩევნების მხარდამჭერი პროგრამის“  ფარგლებში 3-4 აგვისტოს გაიმართა.