სწავლების ცენტრის მიერ 2016 წლის 15 მარტს და 4 აპრილს გამოცხადებულ საგრანტო კონკურსის ფარგლებში, საკონკურსო კომისიის გადაწყვეტილებით დაფინანსებული ცხრა არასამთავრობო ორგანიზაცია აგრძელებს ქვეყნის მასშტაბით (73 საარჩევნო ოლქში) სასწავლო პროგრამების განხორციელებას პოლიტიკური პარტიებისთვის, რომლის მიზანია მათი საარჩევნო შესაძლებლობების განვითარების ხელშეწყობა 2016 წლის 8 ოქტომბერს გასამართი საქართველოს პარლამენტის არჩევნებისთვის.
ამ ეტაპისთვის საინფორმაციო-საგანმანათლებლო პროგრამა გაიარა პროექტში მონაწილე სხვადასხვა პოლიტიკური პარტიის 575 წარმომადგენელმა.
აღნიშნული საგრანტო პროექტების განხორციელების პროცესში ცესკოს სწავლების ცენტრი ახორციელებს კონტრიბუციას და უზრუნველყოფს პარტიების წარმომადგენლების სწავლებას შემდეგ მოდულებზე: საარჩევნო ციკლი და საკანონმდებლო სიახლეები, საოლქო და საუბნო საარჩევნო კომისიების საქმიანობა, კენჭისყრის დღის პროცედურები.
საგრანტო პროექტების გრაფიკები იხილეთ ბმულზე.
