საარჩევნო სისტემების განვითარების, რეფორმებისა და სწავლების ცენტრი ცესკოს საინფორმაციო/სატელეფონო ცენტრის ოპერატორებისთვის კვალიფიკაციის ამაღლების ხელშეწყობის მიზნით ტრენინგების კურსის ჩატარებას უზრუნველყოფს. აღნიშნული კურსის გავლის შემდეგ საინფორმაციო/სატელეფონო ცენტრის ოპერატორები მოემსახურებიან მომხმარებელს და არჩევნებთან დაკავშირებულ ნებისმიერ საკითხზე მიაწვდიან ინფორმაციას დაინტერესებულ პირებს.

2016 წლის 30 ივლისს ჩატარდა ტრენინგების I ეტაპი რომლის ფარგლებში მონაწილეები გაეცნენ შემდეგ საკითხებს:

• პარლამენტის არჩევნები - სტატუსი და სისტემა;
• საარჩევნო კოდექსის სიახლეები;
• საარჩევნო სუბიექტების რეგისტრაციის წესი;
• პარტიების/საარჩევნო ბლოკების რეგისტრაცია;
• პარტიული სიების წარდგენა;
• მაჟორიტარი კანდიდატების წარდგენა;
• საინიციატივო ჯგუფების რეგისტრაციის წესი;
• წარდგენილი კანდიდატებისა და საინიციატივო ჯგუფების კანდიდატების რეგისტრაციის გაუქმების წესი.

ტრენინგების მომდევნო ეტაპის ჩატარება სექტემბრის თვეში იგეგმება.