2016 წლის 26 ივლისს არჩევნების უსაფრთხოების საკითხებზე ცესკოში სემინარი გაიმართა, სადაც კონფლიქტებზე და მათი გადაჭრის გზებზე, ასევე დაცულობის უზრუნველყოფაზე იმსჯელეს.

ღონისძიებას, რომელიც საარჩევნო სისტემების საერთაშორისო ფონდის მხარდაჭერით (IFES) გაიმართა, ცესკოს თავმჯდომარე, კომისიის წევრები, სწავლების ცენტრის ხელმძღვანელი პირები, ცესკოს სტრუქტურული ერთეულების ხელმძღვანელები, ასევე IFES-ის პროექტის ხელმძვანელი და მისი მოადგილე ესწრებოდნენ.

სემინარს IFES-ის აზია-წყნარი ოკეანის რეგიონული დირექტორი ვასუ მოჰანი უძღვებოდა, რომელიც 2001 წლიდან დღემდე საარჩევნო სისტემების საერთაშორისო ფონდში სხვადასხვა პროექტებს ხელმძღვანელობს და არის წამყვანი ექსპერტი საარჩევნო უსაფრთხოების საკითხებში.

ვიზიტის ფარგლებში, ვასუ მოჰანი საარჩევნო უსაფრთხოების საკითხებზე, ასევე გამართავს ტრენინგს საარჩევნო ადმინისტრაციის და შინაგან საქმეთა სამინისტროს თანამშრომლებისთვის. მიღებულ ცოდნას ორდღიანი ტრენინგის მონაწილეები შემდგომ უკვე მათი უწყებების წარმომადგენლებს გაუზიარებენ.