საარჩევნო ადმინისტრაციასა და საქართველოს ტერიტორიაზე აკრედიტებულ უმაღლეს საგანმანათლებლო დაწესებულებებს შორის გაფორმებული ურთიერთთანამშრომლობის მემორანდუმის საფუძველზე მიმდინრე სასწავლო პროგრამის ფარგლებში, 2011 წლის 25 მარტს საქართველოს ცენტრალურ საარჩევნო კომისიაში მოეწყო შეხვედრა კავკასიის სამართლის სკოლის სტუდენტებთან. სტუდენტები დეტალურად გაეცნენ საარჩევნო ადმინისტრაციის საქმიანობის წესს, უშუალოდ დააკვირდნენ სამუშაო პროცესს და მიიღეს მათთვის საინტერესო და საჭირო ინფორმაცია.
იმავე დღეს ცესკოს წევრებისათვის სტუდენტებმა ჩაატარეს ინსცენირებული კენჭისყრის პროცესი. ამომრჩევლების სახით კენჭისყრაში მონაწილეობა მიიღეს ცენტრალური საარჩევნო კომისისიის თავმჯდომარემ და საარჩევნო ადმინისტრაციის სხვა მოხელეებმა.
ღონისძიების დასასრულს სტუდენტები პირადად შეხვდნენ და გაესაუბრნენ ცენტრალური საარჩევნო კომისიის თავმჯდომარესა და კომისიის სხვა წევრებს, დასვეს კითხვები და მიიღეს პასუხები მათთვის საინტერესო თემებზე.
საარჩევნო სისტემების განვითარების, რეფორმებისა და სწავლების ცენტრი აგრძელებს საარჩევნო სამართლის დარგში იურიდიული კლინიკის პროგრამას სხვა უმაღლესი სასწავლებლებისთვისაც, რომლის მიზანს წარმოადგენს საარჩევნო ადმინისტრაციის კვალიფიციური იურისტების ბაზის შექმნა.
