2010 წლის 28 სექტემბერს და 2 დეკემბერს ცესკოს, საარჩევნო სისტემების განვითარების, რეფორმებისა და სწავლების ცენტრსა და საქართველოს უმაღლეს საგანმანათლებლო დაწესებულებებს შორის გაფორმებული ურთიერთთანამშრომლობის მემორანდუმის ფარგლებში იწყება სწავლების II ეტაპი. აღნიშნულთან დაკავშირებით 2011 წლის 24 თებერვალს ქ.თბილისში სასტუმრო ,,სიმპათიაში” გამართა სამუშაო შეხვედრა/სემინარი ცენტრის ფასილიტატორებთან, რომლებიც 2010-2011 სასწავლო წლის II სემესტრიდან, თბილისისა და რეგიონების უმაღლეს საგანმანათლებლო დაწესებულებებში, იურიდიული ფაკულტეტის III-IV კურსის სტუდენტებისათვის განახორციელებენ სასწავლო კურსს საარჩევნო სამართლის დარგში.

შეხვედრის ფარგლებში ლექტორებს მიეწოდათ ინფორმაცია სწავლების განხორციელების ძირითადი მიმართულებებისა და ცენტრის მიერ შემუშავებული თანამდეროვე მეთოდოლოგიის შესახებ. მათ ასევე გადაეცათ ცენტრის მიერ სპეციალურად, სასწავლო კურსის განხორციელების ეფექტურობის უზრუნველყოფის მიზნით შემუშავებული სასწავლო სახელმძღვანელოები (თეორიული და პრაქტიკული ნაწილი), ასევე სალექციო კურსის თითოეული საკონტაქტო დღისათვის მომზადებული სპეციალური პრეზენტაციები.