საქართველოს და ინდოეთის საარჩევნო ადმინისტრაციების წარმომადგენლებმა ერთმანეთს საარჩევნო გამოცდილება გაუზიარეს. სამდღიანი სემინარი ცენტრალურ საარჩევნო კომისიაში, 21-23 ივნისს გაიმართა.
ამომრჩეველთა განათლების საერთაშორისო სტანდარტები, არჩევნების მონიტორინგის მექანიზმები, ამომრჩეველთა რეგისტრაციის პროცესი, საარჩევნო პროცესების მართვაში არსებული გამოწვევები, - ამ და სხვა მნიშვნელოვან საარჩევნო თემებს განიხილავდნენ ინდოეთის საარჩევნო ადმინისტრაციის „დემოკრატიისა და არჩევნების მართვის საერთაშორისო ინსტიტუტის“ 5 ექსპერტი ცესკოს, ცესკოს სწავლების ცენტრის და საოლქო საარჩევნო კომისიების 27 წარმომადგენელთან ერთად.
სემინარზე, ასევე იმსჯელეს ორი ქვეყნის გამოცდილებაზე საარჩევნო პროცესებში რისკების მართვის მიმართულებით, ჩართულ მხარეებთან ეფექტურ კომუნიკაციაზე და პარტიების დაფინანსებასთან დაკავშირებულ საკითხებზე.
სემინარის დასასრულს მონაწილეებს სერტიფიკატები გადაეცათ სერტიფიკატები.
ღონისძიება, ცესკოსა და ინდოეთის საარჩევნო ადმინისტრაციას შორის გაფორმებული ურთიერთთანამშრომლობის მემორანდუმის ფარგლებში განხორციელდა.
